Fugløperspektiv

I would walk 500 miles

2011-02-17T18:40:00.006+01:00

and I would walk 500 more.

Men ikkje i dag. I dag er eigentleg sjukedag nr. 2, men eg orkar ikkje å berre sitje inne og slappe av, og eg var allereie ein dag forsinka for å hente ein kjole hos skredder. Og det er fint med frisk luft. Så då vart det utflukt til Bislett!

Sånn ser eg ut når eg er sjuk om vinteren.
Og Espen, skjerfet var berre for deg.

Når vi var ein heil gjeng som stod og venta på trikken, var det ein luring med Toms Budservice som tydelegvis synes det var heilt greit å parkere med nødlysa på midt i trikkesporet, berre for å hente nokre pappesker.

Ukult, Tom.

Men til slutt flytta Tom på seg, og trikken kom for å ta oss austover (iallefall til Nationaltheatret), der eg gjekk av, og tusla oppover mot høgskuleområdet. Der ligg nemleg Smil Skredder, der eg hadde levert ein kjole for innsying og greier. Og til alle: Eg vil anbefale Smil Skredder på det varmaste! For å sy inn ein kjole i sidene kosta det 200 kr (røverkjøp, sidan Facebookvener får halv pris første gongen), og dette gjorde han som jobba der på eit døgn. Sjukt kjapt, altså!

Så drog eg heim til hjarteteppet mitt (takk, mamma), og var sjuk på sofaen resten av dagen.

Mmmmm.

Always dancing, always dancing

2011-01-08T00:12:00.002+01:00

Never ever getting tired.

Men ein kan jo ikkje berre danse. Ein må studere og arbeide og trene og sånn. Og då vert det plutseleg altfor lite tid til all den dansinga ein eigentleg burde gjere.

Dette skriv eg fordi eg er altfor, altfor trøytt, det er på slutten av ei lang arbeidsveke med både skule og jobb kvar dag, og naboane syng og dansar til høg musikk. Eg trøyster meg med at det gjer ikkje noko at dei held meg vaken no, for i morgon kan eg sove så lenge eg berre vil.

"Fader vår, kom til dette landet!"

2011-01-02T01:00:00.002+01:00

Sjå denne filmen.

Make my rainy day

2010-11-01T00:11:00.004+01:00

Eg har strikka ferdig, sydd og dampa mi første strikkejakke, hurra!

Sånn ser den ut. Varm og god islandsull og alt:)

We laid down and wept for thee, Zion

2010-10-28T02:02:00.002+02:00

Denne sangen høyrte eg første gongen i ein Mad Men-episode,og både melodi og tekst traff meg midt i brystet. Så, i kveld, etter litt leiting for å kople litt av etter å ha skrive ein journal _nesten_ ferdig, fann eg plutseleg ein live-versjon med han som laga originalen, Don McLean. Og som born flest av min generasjon, veit eg berre kven han er fordi Madonna covra han ein gong på tidleg 2000-tal. Don McLean sin versjon av American Pie er jo absolutt ei god låt, men det finst grenser for kor lenge ein kan høyre på den. Denne songen her trur eg at eg kan høyre på lengelengelenge utan å gå det minste lei. Høyr du og, HØYR!:)

Ok, GO!

2010-10-02T13:30:00.002+02:00

Eit strålande eksempel på at om ein bruker litt tid på det, så treng ein ikkje masse pengar eller mykje naken hud for å lage ein kick-ass musikkvideo:

How sweet the moonlight sleeps upon this bank

2010-09-10T02:30:00.003+02:00

here will we sit and let the sound of music creep in our ears

Det er ikkje mykje måneskinn i Oslo i natt, og med alle ljosa frå byen, ville eg ikkje sett så mykje av det frå balkongen min uansett. Men hadde det vore litt seinare i månaden, med finvêr og kanskje eit riktig beleilig straumbrot, kunne det vore fint å sjå utover Oslofjorden i måneskin.

Det er då eg av og til saknar Fugløya, der midt på natta er nesten heilt mørkt (bortsett frå nokre få gateljos som er heilt borte på Fanøya, men dei forstyrrar nesten ikkje i det heile). Der er det av og til så mørkt at det ikkje er mørkt likevel, for månen og stjernene syns så godt at alt vert bada i eit litt gråblått ljos. Dei synast så godt at ein kan ta bilete av stjernehimmelen med eit vanleg kompaktkamera, og framleis sjå at det var Orion i sør-aust ein retta kameraet mot. Og det er så stilt, så stilt. Og ein kan høyre den minste ting som rører på seg.

(rart, det der. Ein kan sjå mykje meir når det er mørkt, og høyre mykje meir når ikkje er nokre særleg lydar rundt ein.)

No må dokke ikkje misforstå meg, eg er glad i Oslo (ikkje så mykje i byen som i miljøet og dei fantastiske folka eg får lov til å hengje med). Men av og til treng ein å ha det litt mørkt og stilt og. Derfor er eg veldig glad for at eg har fått praksisplass i Florø i heile to veker i haust, og kan vere litt heime-heime. Og helst og litt i stilla og mørkret og blåsten i ute i øyane.

--

Eg skal forresten prøve å blogge litt meir. Ikkje berre når eg prøver å finne på unnskyldningar for å vere endå lengre oppe når ein allereie har brukt altfor lang tid på å sjå amerikanske ungdomsdramaserier og lese lange diskusjonar på verdidebatt.no.

Florøsumar

2010-07-18T00:09:00.005+02:00

Det skjer ikkje så veldig mykje for tida, eigentleg. Det går mykje i Kystmuseet, trening og Scrubs. Men tenkte eg skulle oppdatere litt likevel.

Sumaren i Florø har vore grå. For det meste. Mykje regn, mykje vind, lite sol og varme. Heldigvis har det klarna opp på dei rette tidene, som den første frihelga mi, og når Marte, Harald og Geir kom på besøk ut på Fugløya forrige veke. Men ellers: grått, grått, grått. Spesielt merkar ein det når alle som har austlandssumar fortel om kor fint dei har det (ja, Espen, eg snakkar til deg :P).

Akkurat no prøver eg å vaske alle overdelane mine. Det kjipe er at sjølv om det i Fugløyheimen har ein vaskemaskin med plass til 8 kilo tøy (og det er MASSE tøy) så hjelper det ingenting om den stopper halvvegs uti, medan alle kleda er dryppande våte og fulle i vaskepulver, og klokka er kvart over tolv om natta. Det blir kjekt å finne ut kva eg skal ha på meg på jobb i morgon, for å seie det sånn.

Men ein artig liten funfact om vaskemaskinen vår er at når vasstilførselen tydelegvis ikkje fungerer ordentleg, så blinker initialene mine på skjermen:)

Hjarte

2010-07-04T00:21:00.000+02:00

(skriven 19. juni)

Noko av det beste i heile verda er å vere ute på ei litt vindblåst, men veldig, veldig koseleg øy, der ein kan vere opptatt med ting ute om dagen, men kan trekke inn på kvelden. Då kan ein berre daffe og sjå på eit bittelitt langdrygt kronprinsessebryllup, noko som eigentleg ikkje er eit problem, for ein er rimeleg mett av god mat og smågodt, og ein sitt i eit varmt og godt rom med litt familie og den slappaste hunden i verda akkurat no, som ligger litt som eit lite svart isbjørnteppe som er bretta i to foran ein varm og god peis med raudgrågule glør som sprakar litt innimellom. Då tenkjer i alle fall eg at livet kan vere ganske fint av og til.

YMCA

2010-06-23T19:51:00.001+02:00

Du veit du går fysioterapi når...

2010-06-03T18:48:00.003+02:00

...du kan gå rundt på sokkelesten eller berrføtt ein heil skuledag.
...du kan finne på å løfte armen høgt opp over hovudet medan du leser pensum, berre for å forstå det litt betre.
...du øver til eksamen heile året.
...ditt verste mareritt er å bli stengt inne i ein av formalintankane på Gaustad. Spesielt den med hovud i.
...om du får vondt ein stad, er det kjipt, men det er ganske spanande og artig å analysere.
...treningsnivået ditt er OK minus om du trener 2-3 gongar i veka.
...det er null problem å stå i undertøyet medan andre snakkar om skavankane og skeivhetane dine.
...du et lunsj minst to gongar i løpet av skuledagen.
...du snakkar latin i søvne.
...du ser nøye etter når du ser folk gå forbi, berre for å sjå litt ekstra på ganglaget.
...du av og til er medviten på om du stiller opne eller lukka spørsmål, og at det er veldig essensielt for kva svar du får.
...du veit forskjellen på deduktiv og induktiv læring, berre fordi du tilfeldigvis fann det når du måtte presse ei kjelde inn i ei oppgåve.
...du har gløymt kva artrose er på vanleg norsk.
...du har eksamen umåteleg seint ut i juni.

Åherlighet.

2010-05-09T17:45:00.002+02:00

Eg håpar ho tuller. Om ikkje innser eg at eg har hatt eit for positivt syn på dei unge og lovande i Noreg i dag (ho dreg iallefall snittet kraftig ned).

http://www.aftenposten.no/meninger/sid/article3640624.ece

Collum anathomicum

2010-04-07T14:19:00.004+02:00

Eg skulle verkeleg ønskje at eg leste meir skjønnlitterære bøker. For ein del år sidan, spesielt rundt 6-7. klasse, var eg litt av ein lesehest. Eg leste voldsomme mengder fantasy (alt eg kom over av Tolkien, inkludert Ufullendte historier og Silmarillion på engelsk; Tidshjulet, som eg diverre leste på norsk, og ei rekke andre tilfeldig valgte bøker frå Flora Folkebibliotek med titlar som handla om sagaer, sverd, eller trollmenn. Men ikkje berre fantasy. Ungdomsbøker og. Og historiske romanar. Litt sci-fi. Klassikarar. Diverse spanande sakprosa, om tatoveringar og rock og satanisme og wicca og musikklære og russisk og slang og 100 ting du må gjere før du døyr og 100 filmar du burde sjå før du døyr.

Fyttirakkeren, så mykje eg leste. Det einaste eg har lest no i det siste, er anatomi, anatomi, anatomi og anatomi. Og eg er så lei av anatomi! Mitt største mål for den neste veka, er at eg orkar å lese nok til at eg klarer å stå på eksamen. For elles må eg lese anatomi, anatomi og anatomi heile sommaren og.

Det dumme er at no er eg så lei av anatomi at eg berre har lyst å slenge Dahl og Rinvik (boka, altså) ut frå balkongen min så den blir overkjørt av toget. Eg gler meg til å lese andre ting!

Men eg har det veldig fint ellers, altså. Eg har akkurat komen attende til Oslo etter ei kjempefin påske i Porsgrunn saman med Espen, der vi gjorde så lite me berre ville. Fantastisk kjekt og avslappande! Eg slenger med eit bilete frå når eg og Espen gjekk på smågodtjakt på påskeafta:

Fin fyr.

Oh my.

2010-02-28T23:53:00.003+01:00

No er det ei stund sidan sist. Det har ikkje skjedd så veldig mykje voldsomt dramatisk den siste tida, berre litt sånn vanlege ting:

- Eg klarte meg gjennom begge eksamenane før jul, og koste meg masse heime rundt jule- og nyttårstider.
- Eg har kjøpt mitt første XBOX360spel (Dante's Inferno, wuhu!)
- Eg har vore ei veke i praksis heime i Florø!

Eg er ikkje ferdig med lesing fysiologieksamen. Eg er ikkje ferdig med lesing til anatomieksamen. Eg er ikkje ferdig med funksjonsundersøkelsesoppgåva som skal leverast inn på tysdag. Men eg er ferdig med ein genser!:D

ÅFYDDA!

2009-12-08T23:21:00.002+01:00

Eg høyrte ein coverversjon av My Generation i dag. Eg har strengt tatt ikkje noko imot coverlåter, så lenge at songen behandlast med respekt av artisten. Det kjem då sjølvsagt litt an på artisten også.

MEN SERIØST.

Når HILLARY DUFF covrer my generation, der ho prøver å etterlikne stamminga til Roger Daltrey og endrer på teksten ("hope I don't die before I get old"), så VEMMAST eg. VEMMAST!

ÆSJ!

:)

2009-12-03T23:34:00.003+01:00

Dårlig ting: Eg tapte mot Espen i Scrabble på nett.
God ting: Espen har så mykje høgare ranking enn meg at han uansett går ned i ranking.

:)

Gåsehud

2009-11-19T20:58:00.003+01:00

… får eg av Arvo Pärt sin Gloria frå Berlinermesse.

Den er til å bli salig av.

Snart (i omvendt kronologisk rekkefølge):

Juleferie!
Eksamen i massasje
Pepperkakebaking
Masse praktisk øving til eksamen i massasje
Litt "fridager"
Eksamen på mandag

Ein kort og kanskje ikkje så spanande oppdatering

2009-10-07T00:43:00.002+02:00

Men eg skriv den likevel. For om eg skal ha ein blogg der eg legg ut om kva eg gjer på i livet, så må eg jo halde den oppdatert i større eller mindre grad. I det siste har det vore mest mindre grad.

Kort og godt: Eg har det kjempebra.

Dette biletet illustrerer godt ein god del av det eg driv med for tida:

Bekken og marmorkake (som for øvrig ser ut som ei litt stakkarsleg brødskive på dette biletet, men som smakte veldig godt. Spesielt innerst)

Glimt frå kollektivlivet

2009-08-28T00:52:00.000+02:00

:O

2009-08-12T12:50:00.001+02:00

Himmel og hav, eg flyttar jo i morgon!

Pizzakveld!

2009-08-02T23:31:00.003+02:00

I dag bestemte 2/3 av trillingane Fuglø for at dei skulle gjere litt ekstra utav middagsmåltidet med litt film. Og sidan eg er den med dei særaste matvanene (sjølv om Magnus kjem på ein sterk andreplass), vart eg matansvarleg. Sidan eg er i full jobb for tida (så full at eg faktisk jobbar på søndagar og), havna valet på pizza. Sjølv om eg då hadde ansvaret, hjalp sjølvsagt bror Magnus til:

Resultatet vart denne herlige gulrot/sellerirotpizzaen, med litt lite ost. Namnam:)

Eg diggar sommaren 2009:)

Hanne trer inn i vaksenlivet

2009-07-29T20:22:00.001+02:00

No har eg betalt depositum.

Tigerstad, here I come!:D

Bruna

2009-06-17T00:42:00.002+02:00

Og Bruna var halt,
og Bruna var skakk;
men endaa so seier eg
Bruna Takk.
Ho gjorde sitt Beste,
-og den var ein Rakkar
som so vilde krevja
meir av ein Stakkar

- Per Sivle, 1978

Delesjuk

2009-06-13T01:15:00.003+02:00

I dag, når eg gjekk til jobb medan eg hørte på U2, innsåg eg plutseleg og veldig uventa at dette var ein heilt strålande dag. Dette utan at det hadde skjedd noko som helst kjempespesielt; eg gjekk i godt tempo, asfalten var tørr, det var vind i trea og eg tenkte: "Jøss. I dag er livet skikkelig godt."

Heime

2009-06-08T21:38:00.003+02:00

Så då var vi ferdig. Ferdig med eksamen i ungdomsarbeid og bibelfag. Ferdig med Rønningen. Og ferdig med Ten Sing Norway 2008/2009 (nesten).

På dette biletet ser ein det materielle aspektet ved mi oppleving av perioden mellom august 2008 og juni 2009. Men dette er ikkje berre ting; det er så mykje opplevingar knytt til så utruleg mange av dei forskjellige tingene.

Eg kom til Rønningen med ein stor raud sekk med ting og klede, ein litt mindre brun sekk med gadgets og datamaskin, ein diger bag med berre klede, og ein Cort-bass i ein Hartke-sekk (som beskyttar omlag like mykje som eit litt tynt dynetrekk). Korleis eg endte opp med alt dette kan eg ikkje fatte og begripe.

Men det er knytta mykje minner opp til alle desse tinga. Frå lange jammer med bandet, via turnear rundt om i heile Noregs land (og det store utland) og til pensumlitteratur for ungdomsfag, så er det så utruleg mykje vi har opplevd, og som eg kjem til å sakne.

No er eg heime. Altså ikkje heime på Rønningen, men heime i Florø, der eg har byrja å pakke ut dette marakkelet eg har hatt med meg (marakkel er eit herleg ord, men eigentleg ikkje eit ord likevel). Og eg merkar at eg kjem til å sjå attende på dette året og sakne det.

Eg har vore kjempekjempesliten, og kjempekjempegira. Eg har vore kjemperørt. Eg har har vore i toppform, og eg har vore ganske sjuk. Eg har vore på når på, og av når av. Og av og til på når eg burde vore av, og av når eg burde vore på. Eg har lært meg til å synes at trening ikkje er så aller verst likevel. Eg har spelt og sunge for store og små, og eg har truffe så utruleg mange spennande mennesker. Eg har kjøpt meir eller mindre unyttige og ustemte musikkinstrumenter. Eg har til tiders vore skikkelig skuleflink, og andre gongar ikkje i det heile tatt (mest det siste eigentleg.). Eg har fått venner for livet (og folk å bu med til neste år). Eg har ledd heilt utruleg mykje. Eg har grått litt. Eg føler at eg har vore med på å utrette noko, og skapt historie.

Dette er ingen nekrolog. Ten Sing Norway-året 08/09 var noko spesielt, og det er over. Deltakarane på Ten Sing Norway 08/09 er spesielle og eineståande, og er i beste velgåande alle saman. Dette er berre slutten på byrjinga!

Og til kommande Ten Sing Norwayere: gled dykk.

10 timer igjen

2009-06-04T23:03:00.002+02:00

Eksamen i morgon. Då er det vel ingenting som er betre enn å oppdatere bloggen sin, om ikkje anna berre for å seie at det er eksamen i morgon;)

<3<3mindreenntre<3<3

2009-05-31T19:55:00.004+02:00

Verdas mest geniale teneste er Biblioteksvar. Uansett kva du lurer på, har Biblioteksvar eit godt og begrunna svar. Takk, Biblioteksvar! (Trykk her, om du også vil prøve Biblioteksvar)

Ny bloggutsjånad

2009-05-29T00:45:00.002+02:00

Fornying er på sin plass, av og til. No trengte bloggen sårt litt friske fargar, ny logo og ikkje minst: nytt namn. Enjoy:)

Ten Sing Norway på tysk TV!

2009-05-12T13:04:00.000+02:00

Ein reportasje med fleire gyldne augeblikk.

Jordeliv

2009-04-29T00:13:00.002+02:00

Gräset växer grönare när bakken har blitt bränd.

Storinnkjøp!

2009-04-18T21:43:00.001+02:00

I dag har eg kjøpt symaskin, TV, 6 glass og to skåler. Til under 100-lappen!

I <3 loppemarked, altså.

2009-04-12T21:00:00.002+02:00

To blogginnlegg på samme dag? Eg må være sjuk.

Men uansett. Eg måtte berre informere at eg har fått meg ny mobiltelefon! Den fantastiske Nokia 1101!

Nydeleg, eller kva? Dette prakteksemplaret av ein mobiltelefon har det meste:

SMS
WAP
Alarmklokke
Stoppeklokke
lommelykt
Heile 36 monofoniske ringetoner + at eg kan lage 8 sjølv!

KVA ER DET Å IKKJE LIKE?

(Den ordentlege mobilen min vandra hen i påska. Så eg har fått den gamle mobilen til bror min, som før det hadde fått den av mamma, som hadde fått den av jordmortenesta i Florø, ettersom dei hadde kjøpt seg ny.)

Update

2009-04-12T20:32:00.001+02:00

Ferdig med utanlandsturné, ferdig med påske.

No er det tid for musikalperiode!

Sveits!

2009-03-24T20:06:00.002+01:00

I går reiste vi frå Island altfor tidleg på morgonen (dvs. vi starta reisa 0450 islandsk tid, 0550 norsk tid). Vi hadde nok litt medvind, for vi kom litt tidlegare fram til Gardermoen enn det vi hadde rekna med, så vi var framme på Jernbanetorget rundt halv tolv. Der forlot vi Julie og Marte (som diverre var sjuk, og då slipper å ta toget ned, men kjem med fly i staden) til fordel for Hanna, som er leiar saman med Gard.

Så starta det: Først tok vi tog til Göteborg. Null stress. Så tog til København, fire timer ventetid, så tog til Fredericia, der vi venta i ein og ein halv time. 6.11 reiste vi vidare til Padborg, der vi bytta til eit tog som skulle til Hamburg. I Hamburg bytta vi til eit tog som skulle til Zürich. Så var vi framme, omlag klokka 6 om kvelden i dag. Samla reisetid vart altså då rundt 36 timer. Hurra for interrailbillettar!:)

Her skulle eg vel eigentleg kasta inn ein morsom og interessant pønsjlain, men no er eg trøytt og mett og nydusja i Zürich, så det har eg rett og slett ikkje overskot til.

Skippertaksoppdatering

2009-03-10T22:20:00.003+01:00

Eg er dårlig på å oppdatere blogg, så då blir det skippertak.

Mandag etter ferien fekk vi vite dei to første landa på turnéen vår, som er Island og Sveits (:D:D), og litt seinare fekk vi dessutan vite at siste landet er Tyskland. Dette blir stas!

Kvinnedagen var jo over oss for nokre dagar sidan, og i det høve feira eg følgjande:
- Eg vaska klede
- Eg bakte
- Eg vaska rommet mitt
- Eg strikka litt

Elles har følgjande skjedd:
- Vi har vore på Noregsturné (no merka eg jammen at det var lenge sidan update)
- Eg har vore heime på vinterferie, og gjort nærast ingenting.
- Eg har strikka ferdig ein genser. EIN GENSER. Med mønster og raglandsfelling og alt. Så no er eg berre litt lei av å strikke, og har berre eit par ullsokkar att (som for øvrig blir mitt sjuande par så langt på Ten Sing Norway)
- Eg har nesten skrive ferdig heile eksegesen min! Innlevering på fredag. *stresstresstress*
- Eg har laga to-lags sjokoladekake før første gong i mitt liv.
- Eg har brifa med mine sjukt gode langrennsskills på kvit dag på Rønningen (I dag gjekk eg frå ekstremt dårlig til ganske dårlig på skillnivå. Men det skal seiast: eg ruler på flatmark).

Julefeiring

2008-12-28T18:41:00.005+01:00

Då var vi komen til 28. desember, og eg har komen heim frå Fugløya, etter å ha hatt ein liten ferie i ferien. I år har eg for første gong feira jula nokon andre stadar enn heime i det raude huset med blå karmar. Tidleg morgon 24. desember stod nemleg familien Fuglø opp for å lage jul ute i havgapet.

Vi tok med oss heilt vanvittig mykje bagasje, og 5 av oss (underteikna, far, yngste bror, syster og hund) la av garde i ein fullasta Saab dieselbåt, ein gamal travar som er som ein fjording, kan gå ganske langt, men fort går det ikkje. Som de ser på biletet, så kom både bagasje og passasjerar fram. På biletet er og eit dekk som vanlegvis heng langs kaikanten, men som vilt (og vakkert) vestlandsvêr har tippa opp i ståande stilling. Ganske imponerande, i grunn.

Så vart det jul. I hui og hast hogga vi juletre, pynta med juletrepynten frå når pappa var liten, strauk dukar, satte på pinnekjøtet og tente lys i alle rom. Grunna dårleg signal vart det berre litegrann Askepott, og nesten ikkje NRK heile jula, men vi klarte oss fint utan. Jula var ferdig laga til før klokka slo fire, og då berre slappa vi av, såg på TV og la dei siste gåvene under treet. Sånn endte det opp med å sjå ut:Det vart altså retrojulestemning i bøtter og spann. Og det må seiast at det vart ei særdeles harmonisk og fredeleg jul ute på øya. No skal resten av jula for min del brukast på arbeid. Hipphipp for det:P

Heime att

2008-12-20T21:45:00.002+01:00

I natt kom eg heim med bussen til Florø, som varte ein god halvtime le
nger enn det stod på nettet (altså endte reisa mi på 10,5 timer, noko som for så vidt holdt i massevis). Men det var berre såvidt at det vart for lenge, faktisk. 8 timer er fint, for då rekker eg både å sove mykje, strikke litt, sjå på landskapet og høyre på musikk.

Det var altså det eg gjorde. Av fleire grunnar har det vorte litt lite svevn den siste veka på Rønningen, så med det gode sove/slumrehjartet mitt gjekk dei 2-3 første timane av kvelden ganske fort. Dei sju neste gjekk vel litt saktare, men ein fylte tida med:
- Sibelius og Fallout 2, iallefall så lenge batteriet på Pateux holdt.
- Strikking. Litt kjapp rekning tilseier at eg strikka 3792 maskar på denne turen aleine.
- Sosialisering. Hurra for mobiltelefon, seier eg berre.
- Musikk. Det hjelper så sinnsykt på når ein kan høyre på musikk heile vegen, og berre sjå ut av vindauget på alle stadane ein køyrer forbi. Spesielt dei med rare stadsnamn, som Sjong og Trøim, som eg aldri har sett før, sjølv om eg har tatt den bussruta før.

Og no er eg altså heime, og gler meg storvegs til å feire jul på Fugløya med næraste familie og hund. Og så skal eg jobbe. Sjå etter meg på ferskvaren på Coop Mega, der eg skjærer opp pinnekjøt til den store gullmedalje.

og god jul, alle saman!

Hui og hei i England

2008-11-02T23:57:00.002+01:00

Dette vart skriven søndags kveld, men batteriet gjekk tom, så eg fekk det ikkje ut i cyberspace før no. Så her kjem det i uredigert versjon, ettersom eg ikkje har ork til å rette på det sånn at det ser ut som eg har skrive det i dag. Enjoy.

Hoi, så vanskeleg det er å oppdatere jamnleg. Eg må berre seie at eg tidlegare var ung og uvitande om kor mykje artig og gøy og travelt det eigentleg er ute på tur, og kor lite ork det vert att på kvelden til bloggskriving. Men no: Folkens, eg forstår dokke.

No har vi vore i England i godt og vel 1 1/2 veke, og det har nesten berre vore artig. Det byrja ikkje så superbra, ettersom min og Marte sin bagasje vart "lost in transition" på veg over kanalen. Det fine var at eg og Marte kunne ta oss ein tur med speedshopping i London, samt ein litt lengre tur i Bristol, på Ryanair og (i mitt tilfelle) Frende Forsikring si rekning. Det som og var veldig fint, var at vi fekk att bagasjen dagen etter (dvs. forrige torsdag).

Først var vi i Bristol, der vi hovudsakleg var i Kingswood, der vi besøkte forskjellige skular, holdt seminar på laurdag og mandag, og var på øving til både Minising og Kingswood Ten Sing. Vi budde hjå verdas mest fantastiske vertsfamilie (the Hutchins, som inkluderte mor, far, dotter, son og hund). Der vart eg og Linda tekne imot med opne armar, noko som vi (iallefall er eg det, eg gjettar på at Linda meiner det same) er veldig takknemlege for.

Elles har eg feira bursdag i England! På søndag vart eg nemleg 19 år, og dagen vart feira med brask og bram. Det starta med at det under gudstenesta i Kingswood Congregational Church vart spurde etter bursdagsborn, og når det då vart kjent at det faktisk var eit par (Harald vart 19 dagen etter), sang heile kyrkjelyden "Happy Birthday" til oss. Ganske kult, altså! Seinare på kvelden var det party hos vertsfamilien min, der masse TSN'arar og Kingswood-folk vart pressa saman under same tak.

Grunnen til at eg ikkje veit om Linda meiner det same akkurat no (sjå avsnitt lengre oppe) når eg skriv denne bloggen, er at i natt deler eg og Linda korkje seng eller vertsfamilie, ettersom vi no har forflytta oss over til Clevedon, der eg har havna aleine inn i ein ny og veldig hyggeleg vertsfamilie. Veldig koselig, og i dag fekk eg vegetarmat laga av dagferske grønsaker (dagferske som i at mor Kate sjølv har spadd dei opp av jorda i dag tidleg:D).

Men vi har ikkje berre sove hjå vertsfamilier her i Clevedon heller. Her har det nemleg vore Ten Sing festival, der det kom Ten Sing-kor frå heile England for å samlast i YMCA-senteret her. Vi har hatt forskjellige seminar og sånt, som til slutt akkumulerte i eit heidundranes show i går kveld, der TSN fekk lov til å runde av med vårt show. Det vart heilt vilt.

Men no ser eg at det berre er ti minutt att av batteriet til Pax, min kjære Acer Aspire, så no må eg runde kjapt av, skal det bli blogginnlegg i kveld. Men det er nesten like greit, for no vart det ganske langt, dette her.

Og så langt kom eg før eg ikkje hadde meir batteri.

Vaskevakt

2008-10-08T23:38:00.002+02:00

Marte, Ingrid Elise og Harald har akkurat gått og lagt seg, og det er berre meg att som er vaken av TSN. Iallefall som eg veit av. Akkurat no sit eg i stua på Herregården, og ventar på at to vaskemaskinar med klede skal bli ferdige. For TSN skal ut på langtur i morgon kveld (Gjøvik og så Bergen og attende att), og då nyttar det ikkje med skitne klede. Vi skal jo se respektable ut, må vite.

Elles er det sånn som det har vore på Rønningen. Vi et mykje, vi trener ein del, og vi sover generelt litt for lite. Elles har vi det veldig bra, og vi er i full gong med å lage eit forrykande show. Showet har for øvrig generalprøve mandag 20. oktober kl. 2100, så det er berre å komme, alle saman.

Eg hadde eigentleg tenkt å skrive eit litt lengre innlegg, men eg merkar at ein blir altfor lite kreativ når ein er veldig trøytt. Og når ein er lite kreativ, så nyttar det ikkje å skrive lange, innsiktsfulle bloggar. Så DÅ ser eg Babylon 5 istaden.

Her bur eg

2008-09-12T19:40:00.004+02:00

Her sit eg akkurat no, på Herregården på Rønningen. Hovudbygget til Rønningen er den grå kassa som ligg litt sørvest i høve til meg, men det var for slitsomt å skrive i Paint.

Og ja, eg har eigentleg betre ting å gjere enn å leite opp sånne ting i Google Maps.

Je suis arrivé

2008-09-08T21:46:00.002+02:00

No har eg budd i Oslo i 18 dagar. Bur eg her i fem dagar til, har eg aldri vore så lenge vekke frå heime som no. Jeez.

For å være litt meir spesifikk, bur eg på Rønningen Folkehøgskule. For å være endå litt meir spesifikk, bur eg på rom 7 på Herregården, saman med Kristin frå Oslo. Vi har så langt berre budd ilag i 2 dager, men eg reknar med at det skal gå heilt fint, ettersom eg trur at både eg og Kristin er rimelig OK begge to.

(Her var planen at eg skulle slenge inn litt bilete av Rønningen, Herregården og av rommet mitt, men sidan det er altfor mørkt ute til å ta nokon bilete no, eg finner ingen umiddelbare som har bilete eller kamera, rommet mitt er fullt av jenter som ser Grey's Anatomy (eg ser Babylon 5 i stua istaden:P), så blir det ingen bilete. De får lage dykkar eigne, nett som på radio.)

Glanyhende for dagen: Vi har fått ordentleg lås på TSN-bandrommet, så no kan vi gå inn og ut og øve så mykje vi berre vil:D

Bortskjemd

2008-08-01T02:40:00.002+02:00

Leste nett no vêrmeldinga for Praha, og det er meldt sånn mellom 24-26 grader, og ikkje strålande sol heile tida. Hanne tenkte då: "Hm, kanskje det hadde lurt å ta med seg ei ekstra bukse, sidan det skal bli så kaldt."

Hurra for uorganiserte heimar

2008-07-25T00:17:00.000+02:00

I dag, 24.07.08, fann eg svarbrevet til Volda, der eg skal seie ifrå om eg vil ha studieplass. Svarfrist: 23.07.08.

*stress*

Berre sånn i forbifarta, altfor seint ein kveld

2008-07-15T01:41:00.002+02:00

Sjølv som den ihuga nynorskskrivaren eg er, har eg eit favorittord på bokmål:

Sødme.

<3

Så hinsides bra

2008-07-13T21:23:00.004+02:00

Kaizers EIGDE Florø 12. juli. Og eg stod fremst omtrent like godt til som han som tok dette biletet:D

Awesome + win = Kaizers

Øppdait

2008-07-09T12:10:00.000+02:00

Lakris er salt, sukker er søtt
Hanne spiser ikkje kjøtt... lenger

Huhei.

Ny blogg

2008-06-28T12:36:00.001+02:00

Det er travelt på BOLK, og på TSN blir det sikkert endå travlare, så eg kjem nok ikkje til å oppdatere denne bloggen så mykje. Eg vil då oppfordre alle lesarar av A Fortiori til å heller lese på den nye, episke odysseen om TSN 08/09.

Ellers går det fint.

Altfor tidlege morgonar

2008-05-29T07:53:00.004+02:00

I dag, eller meir nøyaktig, for 46 minuttar sidan, vakna eg og trudde at klokka var 08:10. Det ville tilsi at eg hadde forsove meg KRAFTIG, ettersom eg må være ute av huset seinast 08:20 for å komme tidsnok til skulen. Så eg heiv på meg kleda, slengte noken brødskiver med prim på ned i ein pose, heiv sekken på ryggen og la i veg til skulen.

Men klokka var ikkje 8:10. Den var 07:10. Så no er klokka 08:00, og det er tre kvarter til skulen byrjer. Og her står eg.

--

Men eg er ferdig med skriftleg eksamen!:D
Og veit du kva eg er klar for no? BOLK:P

--

FYSJ

2008-05-22T17:05:00.001+02:00

Eksamen i fysikk. EKSAMEN I FYSIKK!!!

:(

Les yeux

2008-05-19T23:39:00.005+02:00

(Sidan eg berre finn tid til å blogge når det er veldig seint om kveldane, blir det ofte berre tilfeldige ramblingar. Det beklager eg, men det er no sånn det ein gong blir. Les det om du vil;))

Når eg gjekk i 4. eller 5. klasse, var vi ute på tur med klassen i finvêret i mai, slo det meg plutseleg at eg ikkje forsto korleis ein ser. Eg forstod jo at eg såg, men ikkje korleis det eigentleg skjedde. Og det sette meg skikkelig ut, at det var noko med hovudet mitt eg absolutt ikkje forstod i det heile. Eg var ung og naiv, og har i dag forstått at det er mykje rart fysiologisk som er vanskeleg å forklare:P

Men plutselig i dag, fekk eg den same kjensla. Eg veit jo at auget tek imot elektromagnetisk stråling innanfor eit visst spekter, omformar dette til impulsar i synsnervane, og så sender det vidare til synssenteret i bakhovudet. I teorien forstår eg alt dette. Men eg klarer på ein merkeleg måte ikkje å forstå det, og det messer med hovudet mitt. Sjølv om det er veldig spanande å tenke på sånne ting.

For nokon smarte mennesker som finn ut av sånne ting!

Ellers er det mindre enn ein månad til eg er ferdig med skulegongen, det er snart BOLK og Praha, og det er strålande vêr ute. Så lenge eg overlever eksamen, skulle jo dette gå veldig bra!:D

Ordjakt, del 1

2008-05-14T00:08:00.002+02:00

Eg leiter etter eit ord, som eg veit eksisterer, men som eg absolutt ikkje klarer å finne på. Eg kan ikkje forklare det nærmare enn at dersom tillit og fortrolighet fikk et kjærleiksborn, så ville ordet vore det kjærleiksbornet.

Hjelp!

Yippeeyippee yaya yippeeyippee ye

2008-05-09T00:57:00.002+02:00

Eg er ferdig med fysikktentamen. FERDIG. Og om eg ikkje kjem opp i fysikk på eksamen, kjem eg aldri til å ha ei fysikkprøve igjen. Nokonsinne.

:D:D:D:D

Ting ein gjer for å fylle tida

2008-05-05T01:03:00.004+02:00

Det er merkeleg det, at når det er mange andre vettuge ting ein burde gjere, er det lett å berre bli sitjande å gjere ingenting. Ta den siste timen min no, til dømes. I skrivande stund har eg brukt den siste timen på å gjere ingenting, sjølv om det er mange ting eg heller burde gjort. Blitt ferdig med den fordømte heildagsprøva i norsk som eg alltid gløymer, bortsett frå når det er for seint på kvelden til å gjere noko med den. Lest fysikk, som eg har heildagsprøve i på torsdag. Lagt meg til å sove. Sove hadde eigentleg vore dritsmart, for eg er eigentleg ganske trøytt, og sjølv om eg begynner seint på skulen i morgon, burde eg få så mange timar med søvn som mogleg. Det einaste er at det er fryktelig mange ting oppi senga mi akkurat no, som eg ikkje gidder å rydde opp i før eg må. Meg sjølv har eg faktisk plassert på golvet, for oppi senga er det ikkje plass (sjølv om eg faktisk har ei ganske stor seng).

Det eg har gjort i staden, er å ha spelt litt gitar, for første gong på lenge. Det er sikkert første gong på fleire månadar, eller kanskje til og med eit halvt år sidan eg har spelt noko heime som ikkje skulle brukast på Tensing. Det er så sinnsykt deilig å slippe å øve til eit eller anna, og berre spele det ein føler for å spele. Utan å tenkje over at "dette må eg kunne til den og den dagen, og då MÅ eg kunne det bra". Rimelig herleg kjensle.

I tillegg til å spele gitar, så har eg:

- brukt eit godt kvarter på å forstå kvifor Sibelius ikkje vil lage lyd i det heile tatt, noko som var eit temmeleg mislukka forsøk. Heldigvis lager GuitarPro massevis av lyd, så eg treng ikkje bekymre meg enno.
- lært meg bluesskalaen på eit munnspel stemt i C.
- ergra meg over at golv er temmeleg harde å sitje på i lengda. Likavel sit eg framleis her.
- strikka ein halv hanske.
- drukke grøn te med mandarin, som by far er noko av det beste eg veit. Grøn te med mandarin kroner, saman med Eplerose, lista over "gode ting å drikke". Eplerose er forresten heilt ustyrtelig godt saman med kongen over "gode ting å ete", som er berlinerbollar med vanlijefyll. Namnam.
- brukt sikkert ein halvtime på å ergre meg over dei tinga eg ikkje har fått gjort enno.
- Tenkt godt over at sjølv om Star Trek: Generations (som eg såg for første gong i går) er ein av dei filmane eg har sett med svakast historie, så var det faktisk ein film eg likte ganske godt.

Yeah. Blei ikkje nokon god og avrunda avslutning på bloggen denne gongen heller. Jaja, neste gong, kanskje.

Well, that just made my day SO much better.

2008-04-29T20:17:00.001+02:00

Humbuckeren på Svante er øydelagt:(

Musikkblogg

2008-04-27T19:22:00.003+02:00

Eg har hatt ein del musikalske openberringar i det siste:

The Times They Are A-Changin' er ein fantastisk song.

Rare Earth er eit utruleg undervurdert band. Fleire burde høyre på Rare Earth. Rare Earth hadde nemleg eit unikum på trommer og vokal, Peter Rivera. Peter Rivera is one FUNKY guy.

Familjen sin video til "Det snurrar i min skalle" er rå!

Yeah.

Verste bloggposten på lenge, men det får være. Eg står uansett for ALT eg har skrive.
Takk for merksemda.

Den minste oppdateringa i manns minne

2008-04-19T09:37:00.000+02:00

Russerevy i dag!

*stress*

eksplosjon

2008-03-30T04:12:00.003+02:00

ARGH.

Nokre menneske provoserer meg og gjer meg sint. Eller; eg prøver å bli sint på handlingane deira, ikkje dei. Hate the sin, not the sinner, og sånn. Men nokon gongar er det skamvanskeleg.

The Westboro Baptist Church består av rundt 100 stykker, og er så langt ut på høgresida av kristen konservativisme at det er heilt vanvittig. Og til å være så få, klarer dei jammen å skape oppstyr. Eg nemner i fleng (eller quoter i fleng):

"The group carries out daily picketing in Topeka (purportedly six per day with fifteen on Sunday, "Lord willing", according to the index page of its main website[17]) and travels nationally to picket the funerals of homosexual victims of murder, homosexual-bashing or death related to AIDS, as well as other events related or peripherally related to homosexual people."

"The group came into the national spotlight in 1998, when they were featured on CNN for picketing the funeral of Matthew Shepard, a young man from Wyoming who was beaten to death by two men because of his homosexuality."

"On January 15, 2006 Westboro members protested the memorial of 2006 Sago Mine disaster victims claiming that the mining accident was God's revenge against America for its tolerance of homosexuality. Footage of the protest, including several members dancing, was later shown on Fox News."

I den seinare tid har dei og begynt å komme til begravelser til falne soldatar frå krigen i Irak, og står der og skriker at han eller ho brenner i helvete.

Eg skal være den første til å seie at eg ikkje støtter militære handlinger ein einaste smule, men eg finner likevel dette grenselaust respektfullt. Om eg hadde vore mor, søster eller dotter av ein som hadde blitt drept i kamp, og skulle ta farvel med den personen, så hjelper det liksom ikkje på at det står nokon fanatiske mennesker rett ved siden av med skilt som dette:

Men det er ikkje alt; ALLE tragedier som rammer USA, er ifølge denne kyrkjelyden straff fordi at homofile får lov til å "raide fritt" og "ete avføring" som leiaren Fred Phelps seier i ein video på denne sida. Og dei er takknemlege for desse tragediene, som orkanen Katrina og World Trade Center, og ønskjer at fleire hadde døydd.

---

Eg har verkeleg ikkje ord for kor mykje dette opprører meg. ARGH!

(skriven altfor seint ei natt. Her gjekk kjenslene føre syntaksen, så ber over med meg om det ikkje er så godt skrive)

Kos

2008-03-06T13:45:00.004+01:00

- å jogge ute seint, seint om kvelden, i puddersnø, så busta fyker.

- å være skikkelig kald, og så drikke ein stor kopp varm te og ete varmt brød med peanøttsmør og o'boy.

- å sitje inne på eit varmt skulebibliotek og spele kort og ete tørka mango (takk, Marte!) når det er regn og snø og kaldt ute.

- Å le så hardt at man griner. Evt. å få noken andre til å le så dei griner (det er nokon som har lettare for det enn andre:P)

Det har vore mykje kos sålangt i mars:P

Hurra, hurra!

2008-02-16T23:20:00.001+01:00

Eg skal på Ten Sing Norway!:D

:D:D:D:D

Hanne liker

2008-02-14T00:48:00.003+01:00

Berre for å lære meg sjølv litt betre å kjenne, googla eg "Hanne liker". Ok, ok, det er lavmåls underhaldning, men ein har det ikkje artigare enn ein lagar det til sjølv!

1. Hanne liker å fryse i hjel kaniner.
2. Hanne liker å kle seg romantisk og kult.
3. Hanne liker å lese bkker og er kjæresten til flodhest.
4. Hanne liker å... bruke tiden på unyttige ting (here, here)
5. Hanne liker å kose med puppen etter at hun er mett. (!!!)
6. Hanne liker musikk, og festing. Men hun liker også å kjøre bil.'
7. Hanne liker å bli avfotografert og liker å stelle seg og se pen ut, men å gå på scene i bikini foran hele Norge, har hun ikke veldig lyst til.
8. Hanne liker å ha det morro, og prater også drangedals-dialekt.
9. Hanne liker Toyota.
10. Hanne liker å høre på Backstreet boys og ri på hester.

Ialledager.

Respublika Kalmykiya

2008-02-04T00:58:00.000+01:00

Under eit prosjekt om buddhismen i religion, kom eg over Kalmykia. Kalmykia er eit land eg aldri hadde hørt om før, tross ei ganske spanande historie.

Kalmykia er ein liten republikk i den russiske føderasjonen, og ligg ved kysten til det kaspiske hav. Republikken grenser mot Dagestan, Volgograd, Astrakhan, Stavropol og Rostov, som heller ikkje er område som eg har høyrt så mykje om, men det får vi heller ta seinare.

Kalmykia er nemleg eit særs fascinerande land. Det som fekk meg til å legge merke til det til å byrje med, var at Kalmykia er det einaste området i Europa som har buddhisme som den dominerande religionen (takka være kalmykarane, som utgjer omlag 75% av befolkninga).

Den andre grunnen til at eg blei så opptatt av Kalmykia, er presidenten i landet; Kirsan Ilyumzhinov. Han er ein kjemperik politiker som, i tillegg til å være president i landet, også er president i FIDE (verdssjakkforbundet).

På grunn av sin brennande lidenskap for sjakk, er Kalmykia sjakklandet framføre alle. Mellom anna er sjakk eit obligatorisk fag frå 1. til 3. klasse, og i 1998 blei hjertebarnet hans, Chess City, fullført. Det er ein slags sjakk-disneyland, som til no har husa 3 verdsturneringer i sjakk. For tida inneheld det eit konferansesenter, svømmehall og kunstmuseum, men planen til godeste hr. Ilyumzhinov er å utvide det til eit vassportsenter, opera, balletteater, statsbygningar, skisenter, museum, konservatorium, ein kunstskule, religiøse akademi, eit senter for tradisjonell medisin og boliger for alle ambassadører som kjem til Kalmykia.

Problem:

Kalmykia er eit økonomisk øydelagt land, med veldig få ressurser (det ligg tross alt ute på dei russiske steppene, det er ikkje så mykje å livnære seg av der). Det er ganske øydelagt på andre måtar og, men først og fremst økonomisk sett. Så når presidenten i eit land bruker opp milliardar på å bygge ein diger turistattraksjon, så burde det jo få einkvar til å stusse.

Og ikkje nok med det. Kirsan har dessutan vorte bortført av romvesener. I 1997, når han var på veg til Moskva, kom det ein UFO som tok han ombord. Dei framande tok på han romdrakt og sa masse ting til han, mest for å berre bevise at dei eksisterer. Så satte dei han attende.

Og det var sjølvsagt og desse framande som gav sjakken til menneska, må vite.

Uff. Needless to say, den religionstimen der eg oppdaga Kalmykia, var ein time eg ikkje fekk gjort så mykje anna.

People in Order

2008-01-27T22:00:00.000+01:00

Som det ordensmennesket eg er, er dette kunstprosjektet verkeleg noko for meg: Det er ein serie med fire kortfilmar (eg har berre funne to av dei) som set 471 menneske frå heile England i rekkjefølgje på forskjellige måter.

1. Alder. Ein person på kvart alderstrinn mellom 1 og 100.

2. Fødsel. 34 kvinner frå 4 til 41 veker svangre.

3. Kjærleik. 48 par sett i rekkjefølgje etter lengda på forholdet deira (i synkande rekkjefølgje)

4. Heime. 73 hushaldningar i synkande rekkjefølgje etter årleg inntekt.

1. Alder

Denne er den finaste, synes eg. Det er dessutan artig å sjå at dei som synes det er gøyast å slå på trommer, er dei minste og dei eldste. Mine favorittar er forresten nr. 3, 13, 15, 40, 44, 59, 78, 83, 86, 91 og 96. Spesielt dei to siste, eg håper eg er så glad og lystig når eg runder 90.

3. Kjærleik

Som den håplause romantikaren eg er, synes eg dei finaste er i begge endane av skalaen: både dei som har vore i lag i over 60 år og framleis hugsar nøyaktig korleis dei møttast, og dei på gamleheimen som har vore ilag i mindre enn to år. <3

Dag 4 på kjøret

2008-01-27T20:32:00.000+01:00

Sjå kva for uhumskheiter som set seg på hjernebarken og BLIR DER! Det refrenget burde bannlysast.

OMG

2007-12-24T22:56:00.000+01:00

I den store juledekorasjonskonkurransen, så pwner Gud mennesket bigtime.

God jul:)

The weapon of my choice

2007-12-02T19:30:00.000+01:00

"The Ig Nobel Prizes" eller "ikkje-Nobel-prisane" vart delt ut 4. oktober i år. Dette er priser til litt merkelege forskningsprosjekt som i følge improb.com får ein til å le, og deretter til å tenke. Min favoritt i år var fredsprisen:

The Air Force Wright Laboratory i Dayton, Ohio fekk nemleg fredsprisen for året etter å ha forska og utvikla eit kjemisk våpen -- den såkalla "gay bomb" -- som vil gjere fiendlege soldatar seksuelt uimotståelege for kvarandre (for alle soldata er tydligvis menn).

Dette kan riktignok være eit farlig våpen om berre ein part har det, men tenk om ALLE fekk den bomba! "Make love, not war" satt ut i praksis!

<3

2007-11-15T16:58:00.000+01:00

1 stk karaffel m/3 glas
1 stk kjempekoselig tekanne
2 stk tjukke, gode bøker (Don Quijote av Cervantes og Statsforfatningen i Norge)
1 stk ølkrus i brunt glas og trehandtak som er så stygt at det er stilig
1 stk fin flaske med lufttett kork, super til blåbærsaft
1 stk sengesett i sateng (dynetrekk og to putetrekk), brukt til å pakke inn alt saman

Alt til den nette sum av 100 kr. Eg er så glad i bruktbutikkar:D

2007-11-14T12:03:00.000+01:00

"På kyrkjebakken var kista kommen vel i jorda. Det vil sei: To av karane som bar var så staurande fulle at dei ramla i der dei skulle setta ned kista. Ein av dei ramla på hovudet ned i grava. Den andre fekk kista over seg. Bortsett frå noen blåmerke og noen knekte negler hadde det visst gått bra med dei begge. Kista hadde òg fått seg ein kakk. Dei måtte løfta ho opp og rista ho litt att og fram ettersom ordføraren etter fallet tydelegvis hadde gått til ro heilt nede i fotenden på kista. For å få litt balanse i kista, snudde dei ho på hovudet med det resultatet at ordføraren no samla seg i hovudenden av kista. Dei bestemte seg for å ta det heile litt lempelegare. To og to tok i kvar sin ende av kista og vippa han litt fram og tilbake til dei meinte at kista var så noenlunde i balanse igjen. Så slo dei tau rundt.

Etter den første salmen løfta dei kista inn over holet og begynte å senka. Dei to karane som var litt på ein snurr var no komne på same side av kista. Om det var alkoholen eller stunda som gjorde dei litt fjerne skal vera usikkert, men dei gløymde begge å halda skikkeleg igjen når kista var kommen over holet. Dermed gjekk ho til botnar med eit brak. Dei to andre, som stod på motsett side av kista, ifrte derimot kontrollert ned slik som dei skulle. Med det til følgje at kista slo rundt og ordføraren gjekk i grava med vomma først. Det var no òg ein måte å møta sin skapar på, tenkte dei."

(Frå Blind av Lars Ove Seljestad)

2007-11-13T17:49:00.000+01:00

Lite er så kos som å drikke grøn blåbærte og høyre på the doors, under ei tjukk vinterdyne i eit ellers kaldt rom.

:D

2007-11-09T16:43:00.000+01:00

Yey, det er vinter!:D

Je peux être vivant, je peux être les morts piétons.

2007-11-04T00:17:00.000+01:00

Oué, deux petit blogs à un jour. L’expliquation; j’ai trop du Français dans ma tête, et beaucoup des proverbs et phrases français apparaît quand je s'y attends le moins. Et je jure que c’était Les Mondes Engloutis que l’a commence.

Et quelques fois, je dois écarter le langue francais de mes pensées, ou parler beaucoup avec ma famille et mes copains (ils ne comprennent rien, et c’est pas drôle), soit je dois écrire français quelque part. Aujourd’hui, cette part est dans cette blog.

Ah bien. Pardon pour mes fautes d’orthographe, je n’est pas parfait (en particulier en français).

En fin: Je suis une femme B, de sorte que mon jour est un peu plus long que le jour ordinaire.:P

Verd: møt Pateux.

2007-11-03T00:56:00.000+01:00

Han her har eg brukt 12 K på, og det er veldig mykje pengar. Faktisk har eg aldri brukt så mange pengar før på ein gong i heile livet mitt. 12 000 kroner berre på ein ting, liksom.

Men eg er så nøgd med han! På bileta såg han skikkeleg lite fin ut, men det viste seg at han berre var veldig lite fotogen, og er eigentleg ikkje så verst å sjå på. Den blinka, og har mange fine, blå lys som blinkar når dei skal seie meg noko viktig (bortsett frå WLAN-knappen, som blinkar heile tida). Og han lar meg spele Oblivion på widescreen, og han blir ikkje spesielt varm sjølv om han har halde på ei stund med tunge, energikrevjande program. Og han har sub, så det går faktisk an å høyre på musikk på han. Det er artig, spesielt blir det artig i fritimane. For når du har fire strake fritimar, så er det kos å drikke te på mini-lesesalen (alt takka være vannkokaren som har entra liva våre, takk Ingrid:D) medan ein høyrer på chille-musikk.

Og eg vil ikkje påstå at materielle ting i seg sjølv gjer meg glad, men Pateux letnar i alle fall litt på humøret.:)

Eg trudde at Pateux skulle få fart i særemneskrivinga. DER tok eg jammen meg feil, gitt! Altfor spanande med andre ting. Som Mahjong, til dømes. Eller Minesveipar, for den del.

2007-10-29T09:06:00.000+01:00

*update*

Det blei ikkje ein Asus. Det blei ein Acer Aspire 5920G.

Woopie!

<3>

2007-10-25T14:59:00.000+02:00

Huhei.

Så var eg altså inne på blogger og. Jammensanten.

Dette blir foreløpig ikkje ein så veldig aktiv blogg, ettersom eg ikkje enno kan bruke gmail-kontoen min på heimedataen. Men det går fint, for det går på skulen. Og når det er hundre-og-ørten klienter over heile skulen, og eg har fritimar kvar dag bortsett frå onsdager i oddetalsveker:)

Så, kva hender i livet mitt? Vel:

Eg har funne dataen eg skal ha dei kommande åra (for vi får jammen håpe den varar i nokre år. Ein Asus F5R. Billig og bra (iallefall i følge tilrådingane på ymse nettstadar). Jei:D. Men er usikker på om ATI Radeon X1100 er godt nok for Oblivion. For eg har lyst å spele Oblivion på den dataen. Hm.

Elles har eg kjøpt bursdagsgåver til dei to brørne mine:D Eg lika å gje vekk ting endå litt betre enn å få ting. Iallefall når det er litt omtanke med presangen (det var det ikkje i fjor, då vart det eit halvt kilo smågodt på kvar:P). Men no er eg nøgd med det.

Og så har eg blitt gladare, sånn generelt. Plutseleg går det bra, liksom. Ei sånn smygande kjensle av positivitet og glede over bare å være til, som du ikkje merkar før du står midt oppi det med begge føtene. Sjølvsagt, det finst framleis negative ting i livet mitt, men dei er på ein måte blitt betre, dei og, og problema er no meir... utfordringar. Som bare må takast tak i, sånn at dei kan overvinnast.

For det er jo i motbakke det gjeng oppover:)

Dessutan byrjar eg å sjå meir positive sider ved ting. Til dømes, øyreproppane til min flotte Asono AB-600 mp3-spelar, har lagt seg til den uvana med å spele vokal og bass mykje lavare enn resten. Det gjer at "grumset" og støyen kjem verkeleg fram på enkelte songar, spesielt live-versjonar. Men det litt fine er at andrestemmar høyrast mykje betre. Og nokre gitarlick som eg ikkje visste var der, dukker plutseleg fram og tek songen til eit heilt nytt nivå. Så litt bra er det. Skulle gjerne hatt nokon som virkar, men dei fungerar enn så lenge.

Litt vanskeleg å runde av der, ja. Anyways, neste oppdatering skjer neste gong det skjer noko artig. Eller eg er inspirert nok. Eller blir overvelda av kjedsomhet.

Pax,
H